پاکستان فلم انڈسٹری کے لیجنڈری اداکار چاکلیٹی ہیرو وحید مراد کے مداح آج اُن کی 85ویں سالگرہ منا رہے ہیں۔خوبصورت شخصیت، دلکش آواز، منفرد ہیئر اسٹائل رکھنے والے بہترین ہیرو وحید مراد 2 اکتوبر 1938ء کو پیدا ہوئے، پروڈیوسر اور اسکرپٹ رائٹر وحید مراد نے فلمی کیرئیر کا آغاز فلم ”ساتھی “ سے کیا تھا۔لباس، ہیئر اسٹائل اور منفرد انداز کے سبب لالی ووڈ میں وحید مراد جیسی مقبولیت کسی دوسرے ہیرو کے حصے میں نہ آسکی۔انہوں نےاپنے فلمی سفر میں 125 فلموں میں کام کیا جن میں سے 38 بلیک اینڈ وائٹ اور 87 کلر فلمیں شامل ہیں۔
ان کی بہترین فلموں میں ’دل میرا دھڑکن تیری‘، ’ہیرا اور پتھر‘، ’ارمان‘ ، ’عندلیب‘ ، ’مستانہ ماہی‘ ، ’دیور بھابھی ‘، ’ نصیب اپنا اپنا ‘ شامل ہیں۔
وحید مراد کو ستارہ امتیاز، لائف ٹائم اچیومنٹ اور نگار ایوارڈ سے بھی نوازا گیا۔25سال پاکستانی فلم انڈسٹری پر راج کرنے والے وحید مراد صرف45 برس کی عمر میں 23 نومبر1983ء کو اپنے مداحوں کو اشک بار چھوڑ کر خالق حقیقی سے جا ملے تھے۔
