کراچی: سونار کی دکان میں واردات ، چوروں نے 10 سے 12 کلو سونے کا صفایا کردیا

کراچی: کلفٹن میں چوروں نے سونار کی دکان کا صفایا کردیا۔

پولیس کے مطابق واردات کا مقدمہ کلفٹن تھانے میں دکان کے مالک محمد آصف کی مدعیت میں درج کر لیا گیا ہے۔
مدعی کے مطابق 3 مئی کو افطار سے قبل اپنی دکان بند کرکے گھر چلا گیا تھا، گزشتہ روزجب دکان پہنچا تو چار تالے ٹوٹے ہوئے تھے۔

مقدمے کے مطابق مدعی دکان پر تیار شدہ اور باکس میں رکھے زیورات فروخت کرتا ہے، دکان میں موجود 10 سے 12 کلو کے قریب سونے کے زیورات چوری ہوئے ہیں۔

پولیس کا کہنا ہے کہ مارکیٹ میں اندر جانے کا ایک ہی دروازہ ہے، اس دروازے پر تالے لگے ہوتے ہیں اور 4چوکیدار موجود ہوتے ہیں۔

پولیس کے مطابق واردات کئی گھنٹے کے بعد رپورٹ کی گئی ہے تاہم معاملے پر ہر پہلو سے تفتیش کر رہے ہیں۔

Vinkmag ad

Star Asia

Star Asia

اسٹار ایشیا پاکستان کا مقبول نیوز چینل ہے۔

Read Previous

سابق آسٹریلین ٹیسٹ کرکٹر مک گل کے اغوا کی کہانی

Read Next

امریکا کی 71 سالہ ویٹ لفٹر دادی اماں توجہ کا مرکز بن گئیں