پیٹرول کی قیمت کم ہونے کے بعد اسلام آباد میں ٹرانسپورٹ کے کرایوں میں بڑی کمی

پیٹرولیم مصنوعات کی قیمتوں میں کمی کے بعد اسلام آباد کی ضلعی انتظامیہ کی جانب سے ٹرانسپورٹ کے کرایوں میں کمی کا نوٹیفکیشن جاری کیا گیا ہے، جس کا اطلاق بھی فوری طور پر ہوگا۔تفصیلات کے مطابق سیکرٹری اسلام آباد ٹرانسپورٹ اتھارٹی کی زیرصدارت تمام بس اڈوں کے کرایوں کے حوالے سے جائزہ اجلاس ہوا جس میں ٹرانسپورٹ اتھارٹی اسلام آباد کی جانب سے کرایوں میں 10 فی صد کمی کر دی گئی۔اسلام آباد میں 23 مختلف روٹس پر کرایہ کم وصول کیا جائے گا۔ اس حوالے سے ڈی سی اسلام آباد کا کہنا ہے کہ انٹرا سٹی ٹرانسپورٹ کے کرایوں میں کمی کا بھی نوٹیفکیشن جاری کریں گے۔

اپنا تبصرہ بھیجیں